Facebook servirá para realizar ofertas de emprego
xoves, 16 de febreiro do 2017
Dende Facebook non queren limitarse a que as páxinas das
empresas que estean na súa plataforma sirvan para interactuar cos seus clientes
e seareiros, senón que tamén buscan que teñan unha maior utilidade, e agora
están a explorar o seu uso no ámbito dos recursos humanos, de xeito que as
empresas en EE.UU. e Canadá poden publicar as súas ofertas de traballo directamente
en Facebook, podendo os interesados neses empregos optar aos mesmos
directamente a través da plataforma social.
Esta nova funcionalidade axuda aos negocios a atopar persoal cualificado onde
está habitual (en Facebook e no móbil) e non só permite publicar ofertas de
traballo, senón que serve para completar todo o proceso de comunicación cos
aspirantes aos postos a través de Messenger.
Este xeito de ofrecer empregos consegue unha grande difusión e nas probas que
fixeron nos EE.UU. comprobaron que o sistema resulta moi efectivo, resultando
tan sinxelo para as empresas como para os futuros traballadores, figurando as
ofertas de emprego tanto nas páxinas das compañÃas como entre as novas que len
os usuarios, de xeito que Facebook entra asà nun negocio que até o momento
estaba reservado a plataformas especializadas en ofertas de emprego.