Facebook desvela como podería ser a súa futura renovación

Facebook detalle cómo será a súa futura aparencia

O dito que nos recomenda unirnos ao noso inimigo no caso de non poder con el, debeu ser o que levou a Facebook a negociar a compra de Twitter hai uns días (da que falamos recentemente na nosa web) e que finalmente fracasou rotundamente.
Porén, visto que Facebook non puido unirse ao seu “inimigo”, tivo que darlle a volta ao refrán e dedicarse a intentar “destruílo”; como? pois procurando afiliar a máis usuarios co anuncio dunha futura renovación que fará da súa web unha ferramenta máis atractiva, dinámica e controlable polos seus usuarios.
Os responsables de Facebook veñen de anunciar que a partir dos cambios, será posible organizar máis fácilmente as actualizacións que aparecen na páxina de inicio dos usuarios, filtrándoas por grupos de amigos ou “acalando” a aqueles que actualicen demasidado o seu perfil ou que non interesen que aparezan.
Tamén prevén cambiar o que cada usuario conta de si mesmo e a sección Que estás a facer agora? pasa a chamarse Que che está a pasar pola cabeza?, máis moderna e acorde coas preferencias dos seus usuarios posto que permitirá colgar unha frase enxeñosa, un vídeo ou unha imaxe que identifique cada un dos pensamentos que queiran facer públicos.
Segundo afirman no ’’The Washington Post’’, estes cambios poderían ir dirixidos a “facerlle fronte a Twitter”, unha web que se asemella moito no seu funcionamento á descrición que fan os responsables de Facebook sobre como será despois da súa renovación.
O directivo desta última, Zuckerberg, quen anunciou estar aberto ás opinións e suxerencias dos seus usuarios sobre este tema, afirmou que se trata dun “cambio de filosofía” e que lle vai permitir a tódolos rexistrados ter a mesma presenza na web.