Facebook Pay chega a España

luns, 1 de xuño do 2020 Marcus Fernández

O pasado mes de novembro presentouse nos EE.UU. o novo servizo de pagamentos Facebook Pay, coa intención de unificar os pagamentos en Facebook, Messenger, Instagram e WhatsApp, para realizar doazóns, mercar produtos ou enviar cartos a outros usuarios.
Este servizo foi avanzando progresivamente por distintos países de xeito que actualmente pode empregarse en Facebook e Messenger nos EE.UU., e só en Facebook en Vietnam, Reino Unido, Turquía, Taiwán, Perú, México, Malaisia, Francia, Canadá, Arxentina e, finalmente España, de xeito que xa podemos engadir as nosas tarxetas bancarias ou a nosa conta de PayPal para realizar pagamentos dun xeito áxil, cómodo e seguro (podemos protexer as nosas operacións mediante PIN ou control biométrico).
Neste momento Facebook Pay está implementándose en Facebook en España, ou sexa, que é posible que algún usuarios aínda non poida empregalos agora mesmo, aínda que en poucos días debería estar completa a implantación do servizo.

Facebook Pay permite mercar produtos, realizar doazóns e enviar cartos a través das aplicacións de Facebook

PUBLICIDADE