FEUGA mergúllanos nas posibilidades da tecnoloxía Blockchain para as estratexias da nosa empresa
xoves, 6 de outubro do 2022
FEUGA
organiza este mes de outubro un curso avanzado sobre as posibilidades
que abre a tecnoloxía de cadea de bloques para conseguirmos máis
competitividade, rendibilidade e fortaleza no noso día a día
empresarial. A actividade formativa Blockchain:
Claves para a aplicación estratéxica na túa empresa celébrase
os días 18, 20, 25 e 27 de outubro de 2022. Segundo informa FEUGA
acerca do miolo do curso, a tecnoloxía Blockchain é
moito máis que criptomoedas, de feito a aparición desta tecnoloxía
disruptiva posibilita non só a aparición de novos modelos de
negocio “senón tamén a redefinición dos xa existentes”,
podendo xerar vantaxes competitivas cunha mellora na eficacia e
eficiencia dos procesos das organizacións.
Ademais,
engade FEUGA, a tecnoloxía Blockchain está moi relacionada
co Metaverso, que se constrúe usando a tecnoloxía de cadea de
bloques: “Grazas ao Metaverso as pemes poden aumentar as súas
posibilidades de negocio, abrir novas canles e acelerar o proceso de
transformación dixital global que estamos a vivir”, engade a
Fundación Empresa Universidade Galega, afondando noutra das vantaxes
desta tecnoloxía: trátase dunha habilitadora tecnolóxica, unha
ferramenta que pode axudar a mellorar os resultados da organización,
posibilitando a redución de custos e unha mellor posición do
produto ou servizo, ao dotalos dunha garantía de orixe e
rastrexabilidade e inmutabilidade nos datos xerados.
Este
curso exporá os aspectos tecnolóxicos básicos da tecnoloxía de
bloques para facilitar a súa comprensión, “pero desde unha
perspectiva práctica e útil para que as empresas poidan detectar e
definir casos de usos orientados a mellorar os seus resultados”.
Serán
8 horas de formación, a desenvolver en horario de 09:30 a 11:30
horas.
Contidos
-Entender
Blockchain como unha habilitadora tecnolóxica nos procesos de
transformación dixital, aplicando as ferramentas de análises
(análises da contorna, análise interna, estratexia competitiva)
máis axeitadas para estes casos.
-Introducir
a metodoloxía de análise estratéxica aplicado ás DLT (tecnoloxías
de contabilidade distribuída) para filtrar e detectar casos de uso
nos que se mellore o resultado da empresa, en base á creación de
vantaxes competitivas.
-Coñecer
o impacto da Web3 nos modelos de negocio das empresas e a súa cadea
de valor, reducindo custos de intermediación e situando mellor o
produto ou servizo prestado.