FEUGA mergúllanos na intelixencia nos negocios cun seminario en liña sobre Power BI
xoves, 23 de setembro do 2021
FEUGA
vai organizar a a partir do 6 de outubro o
webinario Business Analytics con Power BI, ferramenta de
análise de Microsoft que permite aos usuarios de negocio acceder de
maneira cómoda e áxil aos seus datos e compartir propostas cos seus
equipos. Será unha actividade de 12 horas nas que poderemos
descubrir, en palabras de FEUGA, unha intelixencia empresarial sen
precedentes e, tamén, pasar dos datos ao coñecemento en cuestión
de minutos.
Amais,
“aprenderemos como ler e transformar datos, desenvolver cálculos
avanzados, detectar tendencias nos datos, e a crear paneis, informes
e cadros de mando visuais e dinámicos cos que dar resposta inmediata
ás preguntas máis importantes do teu negocio”, engade a Fundación
Empresa Universidade de Galicia.
Respecto
dos porqués deste seminario en liña, FEUGA lembra que as empresas
necesitan coñecer a contorna no que operan (clientes, necesidades
dos clientes, competencia, evolución do mercado), “para a que xa
non é de abondo aplicar as estratexias de mercadotecnia que até
poucos anos guiaban ás maiores e mellores empresas do mundo; agora é
necesario que sexamos quen de extraer a información adecuada tanto
dos datos que internamente xera a empresa como dos que se xeran en
Internet”.
FEUGA
tamén destaca até que punto Power BI situouse, en poucos anos,
“como líder do mercado de ferramentas de Business Intelligence de
autoservizo”. E engade, a respecto dos cometidos do seminario:
“Nesta formación revisaranse de maneira práctica os conceptos
involucrados no uso desta potente ferramenta: a carga e
transformación dos datos (os chamados procesos ETL), a creación de
visualizacións e informes, e a súa publicación e compartición con
terceiros”.
O
seminario, de doce horas de duración, desenvolverase en horario de
16.00 a 19.00 horas, achegando os contidos que enumeramos a
continuación:
-Introdución
ao Business Intelligence
-Visión
xeral de Power BI Desktop
-Definición
de procesos ETL
-Introdución
á linguaxe M
-Xestión
do modelo de datos
-Creación
de visualizacións
-Configuración
de obxectos visuais
-Uso
de xerarquías
-Segmentación
de datos
-Xestión
de interaccións entre visualizacións
-Ferramenta
de preguntas e respostas
-Marcadores
-Ferramentas
de análises preditivas
-Visualizacións
personalizadas
-Publicación
de informes
-Seguridade
a nivel de fila e a nivel de táboa
-Creación
e presentación de cadros de mando
-A
ferramenta de conclusións rápidas
-Compartición
de informes e paneis
-Introdución
á linguaxe DAX