FADEMGA entrega encerados interactivos ao alumnado de 7 centros galegos
mércores, 28 de abril do 2010
Os encerados dixitais son recursos TIC que
malia que xa se empregan en moitos centros educativos do noso país, o seu uso
aínda non está extendido de todo e moito menos no colectivo de persoas con
discapacidade intelectual, que comezan agora a usalas como ferramentas
didácticas cun alto grao de motivación.
Porén FADEMGA FEAPS GALICIA, que traballa con
este tipo de persoas con menos facilidades que calquera outro colectivo, está a
desenvolver o Proxecto Implantación das
Novas Tecnoloxías no ámbito educativo, que, en colaboración coa Obra Social
Caja España, pretende mellorar a calidade do ensino das persoas que presentan
algún tipo de discapacidade intelectual e inclúe a entrega de varios encerados
dixitais aos alumnos e alumnas de 7 centros educativos galegos.
O acto, que terá lugar mañá xoves, 29 de
abril, a partir das 12:00 horas no salón de actos de FADEMGA FEAPS-GALICIA, en
Santiago de Compostela, contará coa presenza, entre outros, de Jorge Martínez,
director da Zona Norte de Caja España, e Elías Palacio, membro da Comisión de
Educación e Vicepresidente de FADEMGA. Asemade, contarase coa paresenza de
representantes e alumnos das sete entidades beneficiarias que asistan á
demostración do uso destas ferramentas dixitais que contribúen á inserción
deste colectivo na Sociedade da Información.
A través deste proxecto, no que participan as
asociacións ACEESCA, ASPANEX, BATA, JUAN XXIII, VALLE MIÑOR, ANPA VILAGARCÍA e
ASPRONAGA, a entidade organizadora pretende integrar as TIC paseniñamente no
día a día das persoas con discapacidade intelectual, partindo da base de que
este tipo de ferramentas presentan unha grande versatilidade e moitas vantaxes
á hora de axudar ao profesorado a traballar con alumnos destas características.
En total,
beneficiaranse 255 alumnos de 7 centros educativos, 1 da provincia de A Coruña
e 6 da provincia a de Pontevedra.