Explican un truco para descargar a demo de Resident Evil 5 na Xbox 360
venres, 5 de decembro do 2008
Hoxe os xaponeses
que conten cunha consola Xbox 360 poden descargar a demo do xogo Resident Evil 5, pero parece que en
Europa haberá que agardar a 2009 para ver o adianto deste agardado xogo, pero
os máis impacientes poden tirar do enxeño utilizando un
método que explican os mozos de Akihabara Blues consistente en crear
unha conta de usuario en Xbox LIVE cun enderezo fÃsico no Xapón, para que os
servidores de Microsoft nos identifiquen coma xaponeses e nos permitan a
descarga do xogo sempre que na nosa consola non teñamos creado máis de 3
usuarios distintos en LIVE, xa que para poder descargar a demo é preciso contar
cunha conta Gold (que se pode conseguir de balde durante un mes ao darse de
alta, pero esta promoción só se pode aplicar 3 veces por consola para evitar o
abuso da promoción).
A demo ocupa 472 Mbytes e permite gozar da fase que se veu en moitos vÃdeos que
circulan pola Internet, dando unha boa imaxe do que será o xogo final, que non
chegará ás tendas españolas ata medios de marzo de 2009.