Everykey, a pulseira que quere lembrar os nosos contrasinais

luns, 10 de novembro do 2014 Marcus Fernández

Para facilitar a xestión de contrasinais en Kickstarter están a buscar o financiamento para facer realidade Everykey, unha pulseira con Bluetooth que comunicaríase con ordenadores, smartphones, tabletas ou incluso trebellos que permitan abrir pechos mediante este tipo de tecnoloxía (de xeito que poderiamos prescindir do uso de chaves físicas tradicionais) para transmitir a nosa información de identificación, de xeito que non teremos que introducir os nosos contrasinais a man.
De feito, esta solución busca axudarse de aplicacións que non só permitan a xestión dos contrasinais, senón que tamén contribúan á nosa seguridade xerando complexos contrasinais aleatorios dos que non teremos que facer memoria, xa que a Everykey encargarase de lembralos e introducilos nos sistemas que nolos requiran.
Este sistema tamén contará con mecanismos adicionais de seguridade, de xeito que no caso de perda ou roubo da pulseira, poderemos desactivala remotamente, de xeito que os dispositivos que a empregan recibirán unha notificación para deixar de atender á comunicación coa mesma.
A pulseira comunícase por Bluetooth 4.0 de baixa enerxía; contará cunha batería recargable por USB que permite o seu uso até 30 días seguidos, empregará cifrado AES de 128 bits; será compatible cos sistema operativos máis frecuentes (a partires de OS X 10.9, Windows 8.1, Ubuntu 14 e Android 4.4 e cun soporte parcial de iOS); traballará cos navegadores web a partires de Chrome 37, Firefox 31 e Safari 7.1; o seu exterior será de silicona flexible e resistirá á auga para permitir que poidamos levala durante practicamente todo o día sen risco para a súa integridade. O seu deseño é bastante coidado, estando dispoñible en varias cores, e partirá dun prezo de 50 dólares (39,99 euros) con desconto para pedidos de varias unidades, que atenderíanse a partires de marzo de 2015, cando espérase que este trebello vexa a luz.

A pulseira ten un coidado deseño, para poder levarse enriba discretamente


Vídeo de presentación de Everykey en Kickstarter

PUBLICIDADE