Estréase en Cinegame o Trackmania United Forever
mércores, 5 de novembro do 2008
A espectacular
sala Cinegames, instalada no complexo cinematográfico
de Yelmo Cines Islazul, ofrécelle aos afeccionados aos videoxogos, dende o
pasado 31 de outubro, a oportunidade de disfrutar do primeiro videoxogo de
condución con anteollos 3D, o Trackmania
United Forever.
O acordo asinado
entre FX Interactive, editor do xogo en España, e Yelmo, fai posible levar a
cabo unha iniciativa pioneira no mundo, grazas á cal, os xogadores poden
disputar carreiras trepidantes con coches que literalmente saen da pantalla,
tanto nos monitores de cada posto de xogo da sala, como na pantalla de cine de
considerables dimensións.
A fin de
proporcionarlle aos xogadores as sensacións máis realistas posibles, aos
anteollos 3D, engádenselle os efectos especiais da sala e os efectos de son e
vibración integrados en cada butaca, facendo de cada sesión unha experiencia
inesquecible para o xogador.
A experiencia de
xogo resultante é nova en cada sesión, e o xogo permite disfrutar de ata 265
pistas distintas, 7 tipos de escenarios, 4 modos de xogo (carreira,
plataformas, acrobacias e puzle) e centos de vehículos distintos.
Este é, segundo os
seus responsables, “un novo concepto de
xogo” que se pode difrutar durante os fins de semana, en exclusiva, nos 55
postos de xogo da sala Cinegames, situada no complexo cinematográfico Yelmo
Cines Islazul.
As sesións do Trackmania United Forever teñen unha
duración aproximada de 50 minutos e as entradas pódense adquirir directamente
na taquilla do cine, dentro das sesións programadas.