Este mes chega a España un dos mellores libros sobre a historia dos videoxogos
venres, 8 de xuño do 2018
Replay: The History of
Video Games é un libro de Tristan
Donovan publicado en 2010 considerado como un dos repasos máis amplos da
historia dos videoxogos, no que relátase dende o nacemento deste medio de lecer
dixital até a súa evolución ao estado actual a través dun extenso traballo de
investigación e máis de 140 entrevistas exclusivas a algúns dos persoeiros máis
relevantes do sector.
Agora, grazas á editorial Héreos de Papel, esta obra ve a luz en España nunha
edición traducida por Concha Fernández Álvarez e prologada por Alberto Venegas,
que sairá á
venda o 22 de xuño a un prezo recomendado de 23 euros, estando tamén dispoñible
por 25 euros unha edición limitada de 300 exemplares en tapa dura.
Replay: La Historia de los Videojuegos
apunta a converterse en todo un referente para todo aquel que queiran afondar
nunha historia apaixonante que conseguiu saltar dos laboratorios aos salóns
recreativos e aos fogares, converténdose no principal sector da industria
cultural e do lecer en volume de facturación. Cómpre salientar que a obra non
esquece as producións españolas dos anos 80, as distintas crises do sector e
incluso un resumo cos mellores e máis importantes videoxogos da historia.
- A obra chega nunha edición normal e outra limitada a 300 exemplares en tapa dura