Esta fin de semana os xogos de SEGA en Steam teñen un desconto de ata o 90%
venres, 23 de setembro do 2011
A plataforma de
xogos descargables para PC Steam tennos afeitos a grandes ofertas durante as
fins de semana, pero desta volta sorprenderon por levar a súa última
promoción a todo o catálogo de SEGA dispoñible, de xeito que podemos gozar
de moitos xogos (tanto recentes como clásicos de consolas como a Dreamcast) cun
desconto de entre o 50 e o 90%.
Esta promoción que estará dispoñible ata o vindeiro martes permÃtenos adquirir o
xogo Alpha Protocol (lanzando en
2010) por só 2 euros, o interesante Aliens
vs Predator por 4,99 euros, o recompilatorio SEGA Mega Drive Classics Collection (que inclúe 40 xogos da clásica
consola Mega Drive) por só 7,49 euros, a Dreamcast
Collection por 2,49 euros (oferta especialmente destacable, pois o prezo de
cada un dos 4 xogos que conforman este paquete serÃa de preto de 10 euros na
súa versión para Xbox 360 ou PlayStation 3) e incluso os 79 artigos de SEGA en
Steam por só 74,99 euros (o que supón un desconto do 86% que agradecerán os
incondicionais da compañÃa nipona que leva o ourizo azul como mascota).
- Crazy Taxi é un dos tÃtulos que forman parte da Dreamcast Collection
- Na Dreamcast Collection tamén está o clásico Sonic Adventure DX