España manterá as cabinas telefónicas en 2020

A Comisión Nacional dos Mercados e da Competencia leva anos instado ao Ministerio de Industria que elimine ás cabinas telefónicas do servizo universal, por considerar que na práctica carecen de uso (9 de cada 10 españois non chegou a usar unha na súa vida) e o seu mantemento supón un importante custo anual do que ningunha compañía quere facerse cargo, como vén de constatar o Boletín Oficial do Estado, no que publican que a licitación para a designación do operador encargado da prestación do elemento de servizo universal relativo ao subministro dunha oferta suficiente de teléfonos públicos de pagamento queda deserta, polo que Telefónica volve ter que facerse cargo de manter as cabinas, pese ás recomendacións da CNMC, que insistiu este ano na falta de necesidade das cabinas, e incluso o Código Europeo das Comunicacións Electrónicas xa non as inclúe dentro do servizo universal.
Actualmente en España quedan en funcionamento unhas 15.500 cabinas telefónicas, das que 12.000 non resultan rendibles, e das que a metade non realizaron ningunha chamada en 2018. Queda por ver o que se fará con elas no futuro, pois non existe consenso ao respecto, e a reconversión das cabinas é moi diferente entre distintos países e cidades.