En marcha unha nova plataforma para dar azos ás compras de produtos en galego: agasallo.eu
mércores, 11 de decembro do 2013
Este
mércores 11 de novembro presentouse oficialmente na Nave de Vidán, en Santiago,
o servizo en liña de propostas de agasallos en galego da
Coordinadora de Traballadoras/es de Normalización da Lingua (CNTL).
Falamos de agasallo.eu, unha
plataforma dixital que compila, difunde, dá a coñecer e recomenda
agasallos en galego de diverso tipo, para todas as idades e para un
amplo abano temático de acontecementos e épocas do ano: libros,
música, audiovisual, xogos, tecnoloxÃa, téxtil, experiencias,
alimentación e outros. Na presentación participaron Nel Vidal
Barral, presidente da Coordinadora (entidade promotora da
plataforma), ValentÃn GarcÃa Gómez, secretario xeral de PolÃtica
LingüÃstica da Xunta (entidade que colaborou economicamente), Luz
Picos (en representación da Asociación Galega de Editores, entidade
colaboradora) e Manuel Pan e Daniel Cerqueiro (en representación de
Abertal, a firma que desenvolve a plataforma en cuestión).
Con
este servizo, informaron os seus responsábeis da súa posta en
marcha, búscase ante todo amosar á cidadanÃa, en todo detalle e
dun xeito sobre todo visual, as creacións, os produtos e os servizos
que figuran, preséntanse ou usan a nosa lingua. Ou sexa, que o que
se pretende é que a nosa sociedade saiba que mercar e facer
agasallos (filmes, camisolas, discos, libros, aparellos electrónicos,
xogos, etc) tamén pode ser un xeito de traballar pola lingua, pola
súa conservación e emprego normalizado. Ao mesmo tempo, trátase de
incentivar que os comercios teñan unha maior oferta de produtos de
regalo en galego, promover e apoiar as empresas e as creacións
culturais propias (música, literatura, cinema, novas tecnoloxÃas da
información) e fomentar que se escollan galanos en galego para todo
tipo de persoas e para tódalas idades en aniversarios e celebracións
de toda Ãndole (comezando por este Nadal que xa se nos vén enriba).
Para os internautas que queiran comezar a tirarlle partido á
plataforma, dicirlles que arestora xa está a pleno rendemento,
coincidindo coa súa presentación en Santiago, no restaurante e
espazo cultural A Nave de Vidán.