En marcha un concurso fotográfico a través do móbil para conmemorar a Celso Emilio Ferreiro
venres, 7 de outubro do 2011
- Celso Emilio, á esquerda, co poeta nicaraguano Ernesto Cardenal, visto na Enciclopedia Galega Universal de Ir Indo
As novas tecnoloxÃas e a creación fotográfica
e literaria son dous mundos que se achegan. Tanto, que case non van quedando
escusas dar a coñecer o que capturamos coa cámara e o que escribimos. Un bo
exemplo disto é a iniciativa presentada estes dÃas pola Fundación Curros EnrÃquez, con sede en
Celanova. Falamos do primeiro Concurso Fotográfico Foto-PoesÃa-Móbil, unha
proposta promovida pola dita entidade, o Concello da vila ourensá, a Oficina
de Información Xuvenil e a aula CeMIT. O concurso, aberto a toda aquela persoa
que teña máis de 16 anos, un teléfono móbil e devezos de dar conta do seu pulo
artÃstico, terá, iso si, un eixe temático fundamental: a figura de Celso Emilio
Ferreiro, ilustre veciño de Celanova que o ano vindeiro converterase no
epicentro dunha boa parte das nosas celebracións literarias, con motivo do
primeiro centenario do seu nacemento.
O concurso consiste, polo tanto, en poñerlle imaxes á poesÃa de Celso
Emilio Ferreiro. Seis son os poemas propostos e nos que os concursantes deberán
inspirarse para realizar a captura das imaxes. Para participar poderán envialas
á Fundación Curros EnrÃquez ou ao Concello de Celanova cos datos persoais dos
participantes e nas que nos deberán indicar o anaco do poema escollido e o
lugar onde foi realizada a fotografÃa: Os
meus amigos, O meu val, O estranxeiro e Ourense
na lembranza de Onde o mundo se chama
Celanova, Son un pasmón de Longa noite de pedra e Doce outono de Viaxe ao PaÃs dos Ananos.
O prazo de presentación de fotografÃas ficará aberto durante todo o mes de
outubro. Ao finalizar a recepción, seleccionaranse as imaxes que optarán a un
dos tres premios e dous accésit consistentes en diverso material fotográfico achegado
por varias entidades colaboradoras da vila de Celanova.
Logo, con motivo da colaboración da Fundación Curros EnrÃquez e o Concello na
organización do Outono fotográfico
organizado pola Casa de Xuventude de Ourense, organizarase unha mostra con 50
fotografÃas escolmadas entre as recibidas que se exporá na Casa dos Poetas ou
noutro espazo acondicionado polo Concello de Celanova durante a segunda
quincena do mes de novembro.