En marcha a web Terradafraternidade para conmemorar a figura de Jose Afonso
venres, 23 de marzo do 2012
Terradafraternidade
é unha web nova no panorama galego-portugués directamente encamiñada, como o
seu nome indica, a celebrar a figura do músico e poeta luso Jose Zeca Afonso e do seu importante legado,
facéndose especial fincapé no significado, plenamente vixente, da súa Grândola, Vila Morena. A web, que
comezou a andar estes dÃas da man de Xoán Quintáns e Bea Bugalho, entre outra/os,
serve de punto de reunión dos seareiros de Afonso e, tamén, de fonte de
información de todo o que ten que ver con Terra da Fraternidade, o festival de
música galego-portuguesa programado para o 10 de maio no Auditorio de Galicia,
en Santiago. O sitio servirá para dar acubillo dixital ao certame, no que participa
unha longa listaxe de artistas dos paÃses irmáns, e para retransmitilo en streaming.
Estes dÃas a páxina informa polo miúdo da
presentación do festival, que se celebrou esta semana e na que participaron os
artistas UxÃa, Gonzalo Vázquez, Fran Rei e Xurxo Souto, ademais dos
organizadores Xoán Quintáns e Bea Bugalho de Caramuxo.
O labor informativo da páxina compleméntase na Rede coa achega de Verkami, sitio dende onde se canaliza o crowdfunding relativo ao festival ou, o
que é o mesmo, a recadación de financiamento a través das achegas individuais
dos internautas e das entidades. Por certo que o recadado servirá para a
gravación do disco Terra da Fraternidade no estudo do ribeirense Tomás Axeitos
e para a gravación dun documental dirixido por Pablo Portero sobre a figura de
Zeca na nosa terra.
Na web www.terradafraternidade.com poderanse
adquirir entradas e produtos de promoción. Tamén se editará un xornal con
textos de escritores galegos e portugueses, que poderá descargarse da dita páxina
ou adquirirse impreso a 1 euro. Os xornais Praza Pública, Sermos Galiza e Dioivo
colaboran con este proxecto.