EA Sports reducirá o número de títulos para PC

luns, 7 de xullo do 2008 Marcus Fernández

Os xogos para PC parece que van en decadencia, e os usuarios tenden a adquirir unha consola para botar unhas partidas pese a que os ordenadores continúan a ser equipos máis axeitados para certo tipo de xogos. Pero os principais problemas dos xogos para PC veñen máis da súa rendibilidade, polo que Peter Moore, presidente de EA Sports, anunciou no seu blog que están a abandonar as versións para PC dos seus xogos deportivos por varios motivos:
- os xogadores de títulos deportivos para PC están migrando ás consolas
- o sector dos xogos deportivos para PC tenden máis ao modelo de descarga que ao de produtos en soporte físico
- as versións para PC dos xogos de EA Sports non están a conseguir suficiente retorno do investimento
- hai moita piratería nos xogos para PC
Entendemos así que xogos coma Madden, NCAA Football, NASCAR, Tiger Woods PGA TOUR e NBA LIVE non contarán este ano con versión para PC, aínda que parece que os clásicos FIFA e NHL se salvan polo momento desta criba.

PUBLICIDADE