Discos duros portátiles Samsung S2 a 7.200 rpm e con USB 3.0

xoves, 19 de agosto do 2010 Marcus Fernández

Samsung amplía a súa familia S2 de discos duros externos portátiles (de 2,5 polgadas) con varias unidades con capacidades de entre 320 e 640 Gb que durante este mes comezarán a distribuírse en Europa e que destacan por operar a 7.200 rpm e ser compatibles coa tecnoloxía USB 3.0, polo que teñen unha velocidade de transferencia moi elevada. Tamén integran as tecnoloxías SilentSeek e NoiseGuard para que as unidades fagan pouco ruído durante o seu funcionamento, e inclúen as aplicacións Samsung Auto Backup, SecretZone e SafetyKey precargadas para facilitar a creación de copias de seguridade, a encriptación de datos e a protección con contrasinais respectivamente.
Lembremos que as actuais unidades USB 2.0 teñen unha velocidade de 480 Mbps, mentres que as interfaces SuperSpeed USB 3.0 chegan ata os 5 Gbps, atendendo ás demandas de máis velocidade por parte dos usuarios que consumen vídeo en alta definición ou grandes cantidades de datos.

JPEG - 65.8 KB
Os discos duros Samsung S2 están dispoñibles en distintas cores

PUBLICIDADE