Desvelan que a MPAA esaxera as cantidades pactadas con páxinas web de descargas por infracción de copyright

Hai pouco máis dun ano o servizo de almacenamento en liña Hotfile dicía adeus definitivamente, por culpa de infrinxir o copyright, anunciándose no seu momento que a empresa chegara a un acordo coa Motion Picture Association of America (MPAA) polo que tería que pagar 80 millóns de dólares e pechar o servizo (agás que implantase sistemas de filtro de copyright) pero agora dan conta de que este anuncio foi unha operación propagandística para impresionar ao público, e a contía que aceptou pagar Hotfile era moi inferior: 4 millóns de dólares.
Hotfile podería ter continuado as súas actividades se actuase proactivamente contra a publicación incontrolada de contidos protexidos, pero finalmente non deberon considerar que pagase a pena manter o servizo baixo tales condicións.
O acordo entre Hotfile e Sony teríase acadado unha semana antes a que a causa chegase aos tribunais, e aínda que aos medios de comunicación informouse de que a cantidade en compensación que a empresa pagaría sería de 80 millóns de dólares, teríase acordado o pagamento de 4 millóns de dólares en tres pagamentos dos que tampouco hai evidencias de que se fixesen efectivos, o que fai pór en dúbida que outros anuncios de acordos semellantes (como os 110 millóns de dólares que pagaría a actualmente activa Isohunt) sexan verídicos, sendo moi probable que as cantidades pactadas fosen moi inferiores para intimidar a outras compañías que faciliten as descargas irregulares a través da Rede.