Denuncian a aparición de publicidade intrusiva en NBA 2K21
luns, 19 de outubro do 2020
Que paguemos 60 euros por un xogo non parece ser dabondo
para os seus editores, que sorprenden con prácticas como a que están a realizar
co xogo NBA 2K21, no que nas versións para PlayStation 4, Xbox One e PC detectaron
que antes dos partidos poden aparecer anuncios publicitarios en vÃdeo que no
poden saltarse por parte do xogador e que claramente duran máis que o tempo
de carga do partido.
Dende Stevivor falan concretamente dun anuncio do casco de realidade virtual
Oculus Quest 2, que é un produto de Facebook, ou sexa, que non ten vinculación
directa con Electronic Arts, polo que non hai dúbida ningunha de que se trata
de publicidade pura, e o feito de que o xogador non poida sequera saltar o
anuncio supón unha grande agresión á experiencia de xogo e un abuso cara ao
usuario.
En setembro Electronic Arts fixo algo semellante co xogo UFC 4, ao
engadir anuncios durante as repeticións, e tras unha reacción negativa por
parte dos usuarios decidiron eliminar os anuncios. Este tipo de prácticas terÃan
sentido nun xogo free-to-play, pero ao estarmos ante xogos a prezo completo,
supón un auténtico abuso, que de non corrixirse rapidamente poderÃa prexudicar
seriamente á imaxe de EA e da marca NBA 2K.
VÃdeo no que podemos ver o anuncio de Oculus Quest 2 dentro de NBA 2K21