Dead Island déixase ver na GDC
venres, 4 de marzo do 2011
Hai
menos dun mes o sector dos videoxogos quedou conmovido polo impresionante
trailer de Dead Island, xogo de
Techland do que pouco coñeciamos ata o momento e que agora ten todas as miradas
postas sobre o mesmo, e finalmente na Game Developers Conference puideron coñecerse
novos detalles deste agardado tÃtulo que chegará ás tendas este ano.
AÃnda que resulta evidente que o xogo non pode ter a calidade narrativa do seu
trailer, estamos ante unha aventura de mundo aberto (cos perigos que iso
supón), na que poderiamos encarnar a 4 personaxes (na demostración
presentada na GDC puido verse a Sam B, un rapeiro en decadencia, que viaxa á illa de Banoi para desconectar antes de afrontar a gravación
dun novo disco, atopando un brote zombi), e aÃnda que nos últimos anos o xénero
estivese centrado en shooters, as
armas de fogo serán pouco frecuentes en Dead
Island, debendo o xogador aproveitar os distintos obxectos que atope no
camiño (remos, bates, pancas…) para abrise camiño a través de combates corpo a
corpo.
Coma vén a ser habitual nos xogos de mortos viventes, hai inimigos de distintos
tipos, que van dende o zombi lento ata o que aparece correndo.
Tamén destaca o
feito de que as armas poden quedar cravadas nos mortos e, de conservaren a súa
integridade, poden recuperarse para seguir derrotando rivais sen ter que
empregar os puños.
Estamos asà ante un xogo que realmente non achega nada novo (parece
unha mestura entre Dead Rising, Dead Space, Left 4 Dead e Grand Theft
Auto), senón que xunta unha chea de tópicos do xénero, cun grande
coidado estético, pero sen destacar tecnicamente (aÃnda que quedan meses de
desenvolvemento para poder analizar tal apartado con rigor). Se todo vai ben
terémolo en PC, Xbox 360 e PlayStation 3 antes do Nadal.
- No xogo haberá que aproveitar o que atopemos no camiño coma arma para derrotar aos zombis
- A illa do xogo poderá recorrerse a pé ou en coche