Darkstalkers Resurrection chegará en formato descargable o 13 de marzo

O xogo adáptase á alta definición mediante distintos modos de visualización

Capcom Europa confirma que o vindeiro 13 de marzo vai estar dispoñible por 14,99 euros na PlayStation Network e por 1.200 Microsoft Points en Xbox LIVE Arcade o xogo Darkstalkers Resurrection, que é a recompilación dos clásicos xogos de loita Night Warriors: Darkstalkers Revenge e Darkstalkers 3, que poden así adquirirse ao prezo dun único xogo, engadindo a posibilidade de xogar en liña, numerosos filtros para adaptar os seus gráficos á alta definición (con varios modos de visionado), a posibilidade de compartir repeticións, modo espectador, logros e incluso un apartado con arte conceptual, vídeos e outros contidos que agradecerán os seareiros desta franquía de Capcom que arrasou nos salóns recreativos nos anos 90 e contou con numerosas remasterizacións para plataformas domésticas (con especial presenza na PlayStation 2).

Trailer de presentación de Darkstalker Resurrection