Daniel Noguera, á fronte de Red.es
venres, 29 de maio do 2015
Daniel
Noguera, até o de agora director do Gabinete do Secretario de
Estado de Telecomunicacións e a Sociedade da Información (Víctor
Calvo-Sotelo), é o novo director xeral de Red.es.
Segundo informou o Consello de Administración (responsábel do
nomeamento), o novo responsábel da entidade público-empresarial do
Ministerio de Industria, desenvolveu no seu anterior posto “un
importante labor na definición de obxectivos, deseño de plans e
coordinación da Axenda Dixital para España, cuxa execución se leva
a cabo en parte dende Red.es”. Noguera substitúe no seu cargo a
César Millares.
Daniel Noguera Tejedor
naceu en Madrid no ano 1964. É enxeñeiro superior de Minas pola
Universidade Politécnica de Madrid. Malia a súa formación, a
meirande parte da súa traxectoria laboral desenvolveuse no sector
das Telecomunicacións. Máis polo miúdo, desempeñou postos de alta
dirección en importantes empresas deste mercado, como por exemplo
Orange España, Ericsson España.
Tralo seu nomeamento,
Daniel Noguera declarou que a súa prioridade será “coordinar e
executar as actuacións e programas que Red.es impulsa no marco dos
plans específicos da Axenda dixital para España”. E engadiu:
“Responder a este reto require da entidade público empresarial
unha comunicación constante co sector privado, os distintos
ministerios involucrados nos plans así como con outras
administracións públicas”.