DC publicará unha mini-serie de comics do novo xogo de Batman

Portada do primeiro número da serie de comics de Batman: Arkham City

O grande éxito de Batman: Arkham Asylum, considerado coma un dos xogos mellor acollidos en 2009 e considerado polo Libro Guinness dos Records coma o xogo de superheroes máis aclamado pola crítica de todos os tempos, van contar cunha secuela moi prometedora chamada Batman: Arkham City, e para cubrir o espazo entre ambas entregas veñen de anunciar unha mini-serie de comics que estará guionizada por Paul Dini (guionista da extraordinaria serie de animación de Batman de 1992) e debuxada por Carlos D’Anda (autor dos deseños conceptuais de ambos xogos) chegando ao mercado os 2 primeiros números en maio.
Esta mini-serie poderá adquirirse globalmente en formato dixital por 2,99 dólares cada número, estando tamén dispoñibles uns interludios de 8 páxinas situados entre cada exemplar (aínda que sendo innecesarios para entender a trama principal) que só estarán dispoñibles en dixital por 0,99 dólares (e que poderán conseguirse en formato impreso coa edición de coleccionista de Batman: Arkham City que sairá no outono).