Cyberpunk 2077 estará dispoñible en Stadia
luns, 19 de agosto do 2019
No
primeiro Stadia Connect, vÃdeo publicado en xuño, soubemos detalles sobre a
plataforma de xogo en streaming de Google como que chegará a España en
novembro e unha
primeira selección de xogos que estarán dispoñibles para esta especie de consola
de videoxogos virtual, aos que se engaden tÃtulos moi atractivos anunciados
co gallo da Gamescom de Colonia, e que serÃan concretamente Cyberpunk 2077,
Destroy All Humans!, Ghost Recon Breakpoint, Gods & Monsters, Kine, Marvel’s
Avengers, Orcs Must Die! 3, SUPERHOT, Watch Dogs Legion e Windjammers 2.
Este segundo Stadia
Connect serve para deixar claro que antes do lanzamento do servizo en
novembro van a incorporarse moitos estudios de videoxogos a esta plataforma,
para que bote a andar cun bo catálogo de xogos,
animando asà ao público a probar o xogo na nube, e o feito de que grandes
lanzamentos como Cyberpunk 2077 vaian estar dispoñibles en Stadia pode
ser un grande incentivo para dar unha oportunidade a esta plataforma de xogo,
xa que usuarios que non conten con equipos de grande potencia poderÃan optar pola
nube de Google como un xeito de gozar dun dos principais lanzamentos de 2020.
Cómpre lembrar que Stadia ofrecerá de balde a súa consola na nube para gozar de
gráficos Full HD a 60 imaxes por segundo e son estéreo, de xeito que a súa
subscrición de 9,99 euros/mes está destinada para os que queiran gozar dos
xogos en 4K con son envolvente 5.1. Tamén é preciso salientar que en novembro só
estará dispoñible o servizo para os subscritores de pagamento, que servirán
como base de proba para o lanzamento xeral de Stadia en 2020.
Resumo do segundo Stadia Connect