Crytek salta aos móbiles cun xogo para iOS

luns, 2 de abril do 2012 Marcus Fernández

O estudo de videoxogos Crytek, popular por grandes títulos como Far Cry ou a saga de Crysis, sorprende ao mundo dando o salto ao móbil co xogo Fibble - Flick’n’Roll, un título de quebracabezas para iPhone, iPod Touch e iPad protagonizado por un extraterrestre moi feitiño que estreou na Terra separándose da súa triuplación, polo que mediante sinxelos movementos táctiles deberemos xuntalo cos seus amigos a través de 30 niveis.
Este divertido xogo destaca especialmente polos seus gráficos coidados (con numerosos efectos 3D), mecánica baseada en físicas (parte do éxito doutros xogos como Angry Birds), a posibilidade de compartir puntuacións en liña con xogadores de todo o mundo e superar logros.
A súa versión para iPhone e iPod Touch de Fibble está á venda por 1,59 euros, mentres que para iPad o prezo sube ata os 3,99 euros.


Trailer do primeiro xogo para móbiles de Crytek

Os niveis do xogo son moi completos e coidados

PUBLICIDADE