Conxelan os procesos de reclamación xudicial iniciados con cartas ameazantes antipiraterÃa
luns, 2 de decembro do 2019
Nos últimos meses milleiros de clientes españois de
Euskaltel e Movistar recibiron cartas no seu domicilio esixindo o pagamento de entre
400 e 1.500 euros por presuntas infraccións do copyright remitidas por un
despacho de avogados en representación de terceiras empresas (Voltage Pictures
e Crystalis Entertainment).
Os avogados aproveitaron unha anterior sentenza xudicial para poder solicitar a
operadores a listaxe de persoas que contrataron as liñas de acceso á Internet
en base a enderezos IP detectados en redes de intercambios de ficheiros (P2P),
no que semella un abuso na interpretación da sentenza anterior que levou a
numerosas reclamacións ante a Axencia de Protección de Datos (aÃnda sen
resolver), levando tamén a que as preocupacións sobre este tipo de proceder (tamén
presente noutros paÃses europeos) chegasen
incluso ante o Tribunal de Xustiza da Unión Europea. Ante esta situación o
Xulgado do Mercantil nº 2 de Bilbao decidiu conxelar todos os procesos abertos
na sala até que o Tribunal de Xustiza da Unión Europea tome posición sobre
o asunto.
Este asunto é de grande importancia porque a lexislación española sobre copyright
redactouse pensando na persecución de grandes infractores, e as actuacións
dirixidas a usuarios particulares corresponden a outros modelos nos que non
existe o concepto de copia privada. O máis probable é que se considere que este
tipo de reclamacións non son lexÃtimas, xa que o contrario oporÃase tanto á
doutrina xudicial existente como ao espÃrito da lexislación vixente.