Convócase o Premio Gerardo García Campos 2008

Cartel informativo sobre o Premio Gerardo García Campos 2008

O Colexio Oficial e a Asociación de Enxeñeiros de Telecomunicación de Galicia celebrarán o vindeiro 7 de novembro no Gran Hotel da Toxa a Noite Galega das Telecomunicacións e da Sociedade da Información, facéndose alí entrega do Premio á Mellor Iniciativa Empresarial no sector TIC 2008, patrocinado pola Fundación Ingeniero Gerardo García Campos e dotado con 6.000 euros.
O Premio pretende dar soporte a aqueles proxectos ou iniciativas que se afasten dos proxectos industriais xa consolidados na nosa comunidade e que precisen dun soporte tanto financeiro como científico ou estrutural, para axudarlles a acadar a súa consolidación definitiva. Complementariamente tamén quere dar a coñecer a existencia dunha Fundación con función científico-técnica á que se pode acudir para recibir axuda no desenvolvemento para calquera actividade relacionada coas novas tecnoloxías e a súa aplicación.
Os interesados en optar polo Premio deberán presentar antes do 3 de outubro unha breve historia da empresa e unha memoria explicativa do proxecto ou proxectos que se consideren merecedores do premio.