Conexión Segura de Movistar bloqueou máis de 270 millóns de ameazas no último ano

Movistar fixo balance da actividade recente do seu servizo Conexión Segura, ofrecido sen custo aos clientes da operadora para protexer en tempo real a súa navegación por Internet fronte a potenciais ameazas fraudulentas. Segundo fixo sabe a compañía, o dito servizo foi quen de filtrar un total de 270 millóns de ameazas no último ano (de marzo 2022 a marzo 2023). Ademais, Conexión Segura evitou que máis dun 50% dos seus usuarios accedesen mensualmente a sitios identificados como maliciosos.
Por outra banda e poñendo o foco na actividade desenvolvida en marzo, Movistar engade que “de forma automática e transparente para o usuario”, este servizo bloqueou a navegación en máis de 250.000 dispositivos (256.682) no último mes cando tentaban acceder a páxinas con malware ou phishing (método para tentar recompilar información persoal utilizando correos electrónicos e sitios web enganosos).
Conexión Segura, que conta na actualidade con 1,2 millóns de liñas activas fixas e móbiles, beneficia sen custo ao cliente e protéxeo do crecente número de casos fraudulentos ou enganosos cun reforzo adicional da robusta seguridade da rede Movistar.
O servizo, que se activa en liña desde as aplicacións Smart WiFi e Living App Smart WiFi, dende Tendas Movistar ou dende o 1004, non require de instalación nos dispositivos e ofrece seguridade tanto dentro como fóra do fogar ao estar dispoñibles tamén para as liñas móbiles.
Conexión Segura alerta dos sitios web sospeitosos e con potencial de risco sen que o usuario teña que facer nada. En caso de detectar unha ameaza que poida afectar o dispositivo ao alterar o seu funcionamento ou poñer en risco a privacidade, o cliente recibe información da mesma vía SMS.