Compostweets pechou a súa terceira edición centrándose nos negocios na Rede
luns, 25 de marzo do 2013
O pasado venres desenvolveuse no Centro de Novas TecnoloxÃas de Galicia en Santiago de Compostela a terceira edición de Compostweets, o Encontro Anual de Social Media de Galicia, que puido seguirse tamén en directo mediante streaming (estando a retransmisión dispoñible para a súa reprodución en diferido), e que serviu de punto de encontro para os profesionais galegos do sector das redes sociais, que durante toda a tarde puideron relacionarse ao abeiro dun par de relatorios e cunha exposición de proxectos empresariais baseados na Internet que competÃan por facerse cun premio consistente en formación a través da Escola Europea de Negocios grazas a un acordo con AJE Galicia.
Para animar o encontro e rachar o xeo,
Raquel Lemos realizou unha acción de networking consistente principalmente no
lanzamento dunha pelota de praia ao público, para que cada persoa á que fose a
parar a collese e aproveitase a ocasión para presentarse ante o auditorio, para
pasar a pelota a outra persoa ao azar, o que claramente contribuÃu a xerar un
bo ambiente.
Rodolfo Carpintier espiuse ante a audiencia
O prato forte da xornada foi a intervención de Rodolfo Carpintier, fundador e Digital Assets Deployment e incubador de
proxectos de éxito como Tuenti e BuyVip, que fuxiu de guión e PowerPoint para
ofrecer a súa experiencia aos asistentes dun xeito aberto e relaxado.
Os
presentes puideron pasarlle a Carpintier as súas cuestións en forma de notas
adhesivas, para que logo as respondese dun xeito moi directo, e tras esta
maratón de cuestións, pasou a conversar dun xeito máis relaxado sobre os
elementos que fan posible que unha empresa poida acadar o éxito apoiándose na
Rede.
Instou á innovar no sector empresarial para poder liderar un sector durante
meses, aproveitar os novos modelos de negocio que poidan xurdir, non concentrar
os esforzos en captar investimentos públicos e moitos outros consellos. Tamén
rexeitou iniciativas como a polémica Lei
Lassalle asegurando que as industrias deben ser quen de defenderse por si
mesmas, e deu a entender que sectores como o ensino electrónico ou a chamada Internet das cousas poderán explotar o
seu potencial nos vindeiros meses.
Business Web
Tras a exposición maxistral de Carpintier, tivo lugar o Business
Web, unha actividade na que varios proxectos finalistas presentados polo
seu promotor acompañado por cadanseu mentor, intentou amosar o seu concepto
durante un tempo limitado (4 minutos) para someterse logo ás preguntas do
público, de xeito que logo sometÃanse a unha votación a través de Twitter para
determinar o que gañarÃa esta competición.
O primeiro proxecto en someterse ao escrutinio foi Twin Shoes,
unha plataforma en liña para buscar parella estable, que foi presentada por
Itziar Villar, e que xa fora recoñecida polos Premios INNOVA-G outorgados por
AGESTIC.
Diego Carracedo encargouse de amosar o seu proxecto Marcasparapymes.com,
como unha proposta para as pequenas empresas que buscan unha identidade de
marca de cara ao seu lanzamento, para o que ofrecen uns prezos asumibles como
principal atractivo.
César González, de Contact Comunicación, amosou o seu proxecto FelicÃtame.es,
que preséntase como un sistema inovador de enviar felicitación incorporando un
vÃdeo gravado polo propio usuario e dispoñible a través dun código QR para
poder velo dende o smartphone.
A plataforma de comercio electrónico Escompring
deuse a coñecer da man de Marcos Pereira, quen destacou que tratábase dun xeito
de facilitar a venda a través da Rede dos produtores evitando a intermediarios,
facilitando que unha queixerÃa, unha adega ou un negocio de reposterÃa
artesanal poidan comercializar os seus produtos dixitalmente sen ter que facer
grandes investimentos.
A proposta de José Tamarit, iSendYou, non foi
menos atractiva que as demais, consistindo nunha plataforma de vÃdeo aberta á
colaboración, na que os asistentes a un local ou a unha festa doméstica poden
construÃr de xeito social a listaxe de reprodución de vÃdeos musicais que
ambienten a festa valéndose dunha aplicación móbil dispoñible para iOS
e para
Android.
Tras un proceso de valoración destes proxectos a través de Twitter, decidise
que a proposta gañadora desta edición de Compostweets fose Escompring, quedando
nunha segunda posición Twin Shoes.
Marketing dixital para acelerar as vendas en liña
Para completar o encontro, Rubén Bastón, director de
Social Media e SEO de Elogia, impartiu un relatorio no que detallou os
distintos elementos que conforman o que damos en chamar marketing dixital, deixando claros os distintos conceptos, e
procurando detallar o que é posible conseguir (e o que non) mediante a
promoción e comercialización a través da Internet dun xeito divulgativo.
Estamos ante conceptos que non paran de evolucionar, pois o que antes podÃa
verse como venda de banners ou ligazóns patrocinas, e envÃos de mensaxes por
correo electrónico, hoxe é tamén presenza en redes sociais, atención ao cliente
e moitos outros factores que fan que unha empresa poida empregar a Rede dun
xeito efectivo para potenciar as súas vendas, para o que principalmente é preciso
marcar obxectivos, para non perder o rumbo e poder facer unha planificación que
permita ver á Internet como un elemento máis dos procesos dun negocio.