Compostela, novamente á cabeza das cidades estatais en reputación en liña
luns, 9 de xaneiro do 2017
O servizo dixital Trivago, especializado en achegar recursos para
que os internautas consigan as mellores experiencias turÃsticas, vén
de dar a coñecer a súa máis recente clasificación sobre as
cidades do mundo con meirande prestixio entre a comunidade dixital de
viaxeiros. A listaxe, feita con opinións de usuarios dos máis
variados recantos xeográficos (máis de 200 millóns doutro tanto de
paÃses), sitúa novamente
a Compostela (con 83,72 puntos sobre 100), en 2016, como a cidade do
ámbito estatal con maior puntuación. A nivel internacional,
emprázase no posto 37.
Volvendo á clasificación española, Santiago é seguida a certa
distancia por Granada (81,75), Valencia (81,64), Córdoba (81,63),
Málaga (81,41) e Donostia (81,40). Compostela, segundo reflicte o
Concello facéndose eco das informacións de Trivago, supera en
puntuación a cidades como Kioto (83,40), Varsovia (83,38), Lisboa
(83,16), Bogotá (82,81) ou Washington D.C. (82,44). Por outra banda,
Compostela é a sexta cidade española con maior número de opinións
de usuarios sobre hoteis en Internet, con máis de 70.000.
Como lembraremos, nin é a primeira vez que Santiago obtén
recoñecementos deste teor por parte dos usuarios de Trivago (por
exemplo en 2013, segundo informamos daquela en Código Cero,
salientándose nese
mesmo ano a calidade do servizo do Parador) , nin será a última
con case total probabilidade.