Chega Vivea.gal, a guía transmedia para difundir o lecer e a cultura de Galicia
venres, 5 de decembro do 2014
Onte
anunciaba a CRTVG a apertura de Vivea.gal,
en palabras da corporación “a primeira
guía de eventos en vivo de Galicia”, un servizo público que nace
coa
vontade de difundir e promover a xeito de canle de información o
lecer e na cultura do país (artistas, propietarios de salas,
promotores, asociacións...) entre os cidadáns. Así, en Vivea.gal
os usuarios atoparán os mellores concertos, obras de teatro,
espectáculos escénicos, exposicións, feiras, festas, eventos para
nenos e obradoiros culturais de Galicia.
Este
proxecto transmedia, que nace na internet conectando os usuarios e
que se espalla en todas as canles da CRTVG, amosa dende o seu
nacemento máis dun milleiro de eventos que se poden gozar en Galicia
nos vindeiros días e ofrécelles aos usuarios a posibilidade de
mercar entradas dos seus eventos favoritos desde a internet.
Dicir
que a plataforma pode ser consultada desde todos os dispositivos e,
polo tanto, reforza o obxectivo da CRTVG de facilitarlles aos seus
usuarios “onde, como e cando” queren consumir os contidos.
Ademais, achégalles todas as semanas aos correos dos seus seguidores
unha newsletter onde se seleccionan e recomendan os principais
eventos da oferta cultural da fin de semana.
Por último, subliñar
que esta iniciativa é o primeiro proxecto que nace baixo o .gal,
convertendo así a CRTVG nun referente de compromiso co idioma galego
na Internet.