Capcom volve ao Humble Bundle
martes, 10 de maio do 2016
O pasado outono Capcom
estreouse na iniciativa Humble Bundle ofrecendo un impresionante lote de
xogos a un prezo reducido para recadar fondos para entidades benéficas, e a
compañÃa debeu quedar satisfeita coa acción, porque repiten durante as
vindeiras dúas semanas, no que agora chaman un Humble Capcom Super Turbo HD
Remix Re Bundle, simpático xeito co que indican que repiten case todos os
xogos do lote anterior, de xeito que é unha excelente oportunidade para os que
deixaran pasar a promoción anterior.
Os usuarios que paguen a partires de 1 dólar recibirán os xogos STRIDER, Resident Evil Revelations 2- Episode 1: Penal Colony, Lost Planet 3 e Bionic Commando: Rearmed, mentres que pagando máis da media (8,12
dólares no momento de escribir estas liñas) recibiránse os xogos Resident Evil: Revelations, DmC: Devil May Cry, Resident Evil 4, Remember Me
e algún xogo máis que anunciarán a semana que vén.
O principal cambio chega cando aportamos á campaña a partires de 15 dólares,
pois recibiremos Devil May Cry 4: Special
Edition e Resident Evil 6.
Desta volta a causa solidaria á que se contribuirá será un
fondo de axuda para a recuperación tras o terremoto de Kumamoto (Xapón) a
través de GlobalGiving (inicialmente buscarase axudar aos superviventes con
bens de primeira necesidade, para pasar logo a colaborar coas entidades locais
para contribuÃr a unha recuperación a longo prazo).
- Resident Evil 6 é unha das novidades deste novo Bundle de Capcom