Call of Duty: Vanguard celebrará a súa alpha a vindeira fin de semana
luns, 23 de agosto do 2021
As
reservas para o xogo Call of Duty: Vanguard xa están abertas para consolas
PlayStation, Xbox
e PC,
pero aínda que faltan meses para este lanzamento que achegaranos a catro
frontes da Segunda Guerra Mundial (o combate sobre o Pacífico, a defensa de
Stalingrado, os ataques iniciados dende o aire en Francia e as batallas no
norte de África) entre os días 27 e 29 será posible participar na versión alpha
do seu novo modo multixogador Champion Hill (Outeiro do Campión).
Esta proba dun dos modos multixogador de Call of Duty: Vanguard será
exclusiva para usuarios de PlayStation 4 e PlayStation 5, o que servirá
para comprobar o bo funcionamento desta nova modalidade de xogo, á vez que
tamén permitirá que os xogadores poidan botar unha primeira ollada ao xogo que
chegará ás tendas o 5 de novembro. A alpha estará aberta a usuarios de consolas
PlayStation con independencia de que teñan reservado o xogo ou contratado
PlayStation Plus, ou sexa, que simplemente precisará dunha PS4 ou PS5 conectada
á Internet. Os que queiran participar nesta alpha poden xa descargala
na súa consola PlayStation 4 ou PlayStation
5 para así poder gozar da experiencia dende o primeiro minuto, sen ter que
agardar á descarga e instalación do xogo.
O novo modo multixogador permitirá que 8 equipos compitan en partidas de un
contra un até que o último equipo en pé gañe; permite crear e unirse a un
pelotón para loitar en combates de 2 contra dous ou 3 contra tres; e este modo
contará con catro mapas exclusivos.
Tráiler da alpha de Call of Duty: Vanguard