Caixa Galicia convoca a segunda edición do seu Concurso de Mensaxes de Nadal por SMS
venres, 14 de decembro do 2007
Un Nadal máis, Caixa Galicia quere tirar partido das novas tecnoloxías para saírlle ó paso á mellor ou á máis engraçada das felicitacións posibles. E faino cun concurso e atendendo ó sitio (os móbiles) e ós formatos polos que discorre xa a meirande cantidade de mensaxes vinculadas a estas festividades: os SMS. Nesta segunda convocatoria do certame hai novidades. Por exemplo: a felicitación terá que ser enviada en verso, precedida do termo “Fecilita” ó teléfono 7458.
O único que se pide para participar é ser usuario de Activa Móbil, que é o servizo de banca electrónica da entidade financeira galega a través dos terminais móbiles. Imos agora co que de verdade interesa: os premios.
Segundo sinala Caixa Galicia, o gañador e dous finalistas recibirán un teléfono móbil de última xeración, con GPS e cámara fotográfica de 5 megapíxeles. Asemade, procederase ó sorteo dun teléfono semellante e 10 kits mans ceibes con tecnoloxía Bluetooth para o automóbil entre todas as persoas que participen.
Engadir que o concurso ten tras de si un bo índice de participación na súa primeira convocatoria: o ano pasado recibíronse máis de 1.000 mensaxes. Caixa Galicia agarda superar con moito esta cifra nesta nova edición, xa que o número de clientes de banca móbil incrementouse sensiblemente, estando na actualidade en 6.500.