COFER introdúcenos nos segredos da mercadotecnia dixital para afrontar a COVID

A Confederación de Empresarios de Ferrolterra, Eume e Ortegal, COFER, celebrará este xoves 18 de xuño ás 19:30 horas unha vídeo-conferencia sobre as potencialidades que ofrecen as novas ferramentas en materia de crecemento empresarial e competitividade ante a nova situación marcada pola COVID-19. O webinar, que se desenvolve baixo o epígrafe O contexto cambiou, temos que cambiar?, será impartido por David Fernández Veloso, experto en marketing dixital e comunicación.
Para máis información e inscricións cómpre chamar ao teléfono 981333322 ou escribir un correo ao enderezo cofer@cofernet.com.
David Fernández Veloso, ademais de ser o director da iniciativa Emprendizaje, é autor do exitoso libro Contra las grandes empresas, ¡Gamificación!, un manual de gran utilidade para axudarnos a plantar cara ás grandes empresas do comercio dixital con competitivas técnicas extraídas do ámbito dos videoxogos.