Bricolabs mergúllanos no uso e utilidades dos sistemas operativos libres
martes, 14 de maio do 2019
Este
sábado 18 de maio imos ter na Coruña unha boa oportunidade de
mergullarnos no miolo do software libre. Estamos a falar da primeira xeira (a cargo de Sergio Alvariño e Jorge Lama)
das Sesións introdutorias a GNU/Linux, que se van
desenvolver na Domus en horario de 11:00 a 13:30 e que veñen da man
da comunidade argalleira Bricolabs. Nas sesións calquera poderá
asistir libremente e aprender desde cero todo o necesario para
instalar e utilizar un sistema operativo libre ou mellorar as
habilidades sobre este tipo de ferramentas.
Abordaranse
cuestións prácticas relativas ao uso do terminal, ao Git (control
de versións), ás ferramentas abertas para o desenvolvemento de
novos equipamentos tecnolóxicos e aos sistemas operativos lixeiros
que permiten afondar na sustentabilidade tecnolóxica e darlles
segundas e mesmo terceiras vidas aos equipos informáticos en desuso.
Bricolabs
informa que o plan formativo (do que forman parte as sesións deste
sábado) é tentar organizar unha sesión diferente cada 7 ou 15
dÃas, ao longo dos vindeiros meses, onde o alumnado poida
introducirse de maneira útil nas diferentes cuestións que se queren
abordar.
Na
primeira sesión, a deste sábado, a Sesión01 – Instalación e
iniciación a Linux con @salvari e @raivenra, as
e os asistentes aprenderán a probar e instalar unha
distribución GNU/Linux nos seus computadores, realizar as
configuracións básicas do sistema e poñer en marcha aplicacións.