Balidea, provedora do Concello de Copenhague
xoves, 10 de xaneiro do 2019
A
firma santiaguesa Balidea, referente servizos e ferramentas avanzadas
do ámbito das TecnoloxÃas da Información e da Comunicación (TIC),
informou hoxe dunha relevante incorporación á súa carteira
internacional de clientes: a
recente incorporación do Concello de Copenhague, entidade local coa
que colabora a empresa galega dende hai meses e coa que ten asinado
un contrato de traballo para os vindeiros catro anos.
Segundo
sinala a empresa compostelá, o traballo despregado por Balidea en
materia de optimización, posta a punto e desenvolvemento cobra
especial significado se temos en conta a longa listaxe de espazos web
e ferramentas coas que conta a devandita institución dinamarquesa. A
cifra non é desprezábel: dispón de máis de 300 sitios web para
prestar todo tipo de servizos aos seus empregados e á cidadanÃa.
O
obxecto do contrato con Balidea abrangue desde os servizos de
consultorÃa TIC até a optimización da solución web de atención
ao cliente, mantemento, soporte e desenvolvemento da contorna web,
actualización a Drupal 8, ferramentas de colaboración e xestión de
proxectos na intranet do cliente e implementación dunha
intranet personalizada e baseada en data.
Asemade,
o proxecto cobre todos os departamentos da institución (inmigración,
deporte, cultura, infancia, contabilidade, etc). Para a súa posta en
marcha e execución Balidea conta coa colaboración dun socio local:
Kruso.