Asus podería comercializar no outono un eReader con pantalla de 8 polgadas

venres, 6 de agosto do 2010 Marcus Fernández

Información publicada por Digitimes da a entender que Asustek Computer prepara un lector de libros electrónicos con pantalla de 8 polgadas e 64 niveis de gris sen retroiluminación para o mes de outubro a un prezo inferior aos 599 dólares, o que resultan un tanto abraiante polo elevadísimo prezo que fixan coma referencia para un produto que nin sequera estaría baseado en E Ink (ao parecer, a súa pantalla sería TFT).
Ao parecer, Asustek está a negociar a comercialización do seu dispositivo a través de compañías de telefonía móbil, o que dá a entender que buscaría competir co Kindle de Amazon ou o NOOK de Barnes & Noble, pero permitindo ás compañías de telecomunicacións o control do mercado, en vez de participar coma un axente practicamente autónomo.

PUBLICIDADE