Aseguran ter vulnerado a seguridade da PS3
luns, 25 de xaneiro do 2010
- Hotz informou a través de Twitter da súa fazaña
George
Hotz, un dos expertos en seguridade detrás de varios dos métodos de liberación do iPhone de Apple, e tamén coñecido
polo alcume de Geohot, publicou
no seu blog que conseguiu crackear a
PlayStation 3 de Sony, o que significarÃa que foi quen de copiar
bloques de memoria da consola sen extraelos ou utilizar chips adicionais, o que
non significa que a PS3 estea pirateada,
senón que agora comezará todo un proceso de enxeñerÃa inversa no que estudarán
as interioridades da consola, que demostrou estar moi ben protexida, pois, de
ser verdade a afirmación de Geohot,
foron precisos máis de 3 anos para vulnerar de xeito consistente a súa
seguridade.
Hotz asegura que queda bastante traballo por diante, e comenta que non vai
publicar as súas descubertas, o que xa é habitual neste tipo de avances, que
restrinxen a un grupo moi reducido de desenvolvedores, tanto para evitar que
algún terceiro tire proveito económico, como para que non parcheen a vulnerabilidade detectada antes de poder explotala efectivamente.