As tabletas One de Wacom xa funcionan nos Chromebooks
martes, 26 de xaneiro do 2021
As
tabletas dixitalizadoras One de Wacom, dispoñibles por 40,57 e 60,91 euros en
tamaños pequeno
e mediano,
que poden aproveitarse para trasladar a experiencia de escribir e debuxar sobre
papel ao ordenador, veñen de dar un importante paso para a súa incorporación ao
mundo da educación ao recibir a certificación
de Chrome OS, ou sexa, que esta solución de lapis dixitalizador funciona
directamente nos Chromebooks, axudando asà a superar as limitacións do teclado
e o rato nas aulas.
Estamos ante unhas tabletas cegas, ou sexa, que non integran pantalla,
polo que son unha opción económica para integrar un lapis nun equipo
informático conectando a superficie de debuxo ao ordenador por USB. Amais estes
accesorios son o suficientemente pequenos e lixeiros como para poder
transportarse na mochila escolar sen que supoñan un problema para os estudantes,
e tamén son
compatibles con aplicacións educativas como Kami, Pear Deck, Limnu ou Explain
Everything.