As posibilidades de Geria-TIC para o envellecemento activo, ao detalle en Carballo e Oleiros
mércores, 12 de decembro do 2018
O
Centro de Investigación TIC (CITIC) da Universidade da Coruña e o
Instituto de Investigación Biomédica de A Coruña (INIBIC)
participan xunto coas empresas Aldaba, Geriatros-DomusVI e a ClÃnica
Cobián no proxecto Geria-TIC.
Os resultados da fase de desenvolvemento deste proxecto déronse
a coñecer esta mañá no Centro DomusVi de Carballo. Pola tarde
tivo lugar o acto de presentación no centro de Oleiros. A iniciativa
ten como obxectivo mellorar a calidade de vida das persoas maiores, a
través do uso de tecnoloxÃas wearables.
O
proxecto Geria-TIC, que se puxo en marcha en 2016, está impulsado
por un consorcio formado por Aldaba, Geriatros-DomusVI, a ClÃnica
Cobián e a UDC a través do CITIC e o INIBIC, para desenvolver un
modelo de medicina participativa con persoas maiores a través de
pulseiras de medición de actividade fÃsica e sono e dunha
aplicación personalizada que permite recoller as ocupacións e
percepcións dos usuarios participantes. A iniciativa centrouse na
mellora de tres aspectos: a prevención de caÃdas, o insomnio e a
incontinencia urinaria. Participaron na fase de desenvolvemento 25
usuarios dos Centros DomusVi Carballo e Oleiros e os datos obtidos
permitirán, nunha segunda fase, definir perfÃs de usuarios e
predicir cambios de comportamento aplicando técnicas de intelixencia
artificial.
Investigadores
da área de percepción, cognición e interacción do CITIC,
liderados polo subdirector do centro, Javier Pereira, foron os
encargados de desenvolver os aspectos tecnolóxicos e de
investigación do proxecto, realizando a recollida de datos das
probas piloto e a análise da información a través da plataforma
ClepIO, que ten como obxectivo crear un novo modelo de prestación de
servizos sociosanitarios, no que os residentes tomen conciencia do
autocoidado e a responsabilidade na propia saúde, facéndoos
partÃcipes do seu benestar. Ademais, permite que os familiares
poidan estar informados en tempo real do estado e as melloras na
saúde dos seus maiores.
O
proxecto Geria-TIC, presupostado en 765.191 euros, está
co-financiado pola Axencia Galega de Innovación (GAIN) a través do
Programa Conecta PEME 2016 e conta con fondos FEDER da Unión
Europea. Na súa avaliación acadou a segunda mellor cualificación
de Galicia entre as case 200 solicitudes presentadas.