As imaxes que mellor plasman os tesouros das Reservas de Biosfera de Lugo, na web da Deputación

luns, 17 de xaneiro do 2022 S. P.

A fotografía do Camiño Primitido de Lina Iglesias Forneiro

A Deputación de Lugo expón na súa páxina web as imaxes do VII Concurso de Fotografía das Reservas da Biosfera. Trátase de quince imaxes que competiron no certame promovido pola institución provincial para dar a coñecer e poñer en valor a riqueza natural, cultural e paisaxística de Terras do Miño e Os Ancares Lucenses.
Deste xeito, as instantáneas admitidas no VII Concurso de Fotografía das Reservas da Biosferas Terras do Miño e Os Ancares Lucenses e Montes de Cervantes, Navia e Becerreá organizado pola Deputación de Lugo poden verse nunha exposición virtual na páxina web da institución provincial. Esta edición do certame tivo como fío condutor as redes de rutas de sendeirismo e itinerarios e o conxunto de vías e camiños tradicionais, co obxectivo dar a coñecer e poñer en valor a riqueza natural, cultural e paisaxística destas dúas Reservas da Biosfera, xestionadas pola Deputación de Lugo.
Na mostra tamén se atopan todas as imaxes participantes na edición do 2021.
Entre as fotografías atópanse as tres vencedoras desta edición: Camiño Primitivo, de Lina Iglesias; Lagoa de Cospeito, Germán Limeres López, e Cores de inverno na senda dos muíños, de Manuel María Balbas Naveira.

PUBLICIDADE