As empresas de Ribeira mergúllanse nas novas correntes da mercadotecnia en liña
venres, 3 de decembro do 2021
Da
man do Concello de Ribeira e da empresa 2BDigital,
firma de novas tecnoloxÃas e transformación con presenza activa na
cidade, o Consistorio acolleu na tarde-noite deste xoves 2 de
decembro unha conferencia sobre mercadotecnia dixital e as diferentes
ferramentas e metodoloxÃas das que podemos botar man para facer
medrar a nosa empresa (en clientes, en visibilidade nos buscadores,
en beneficios, en mercados, en innovación) e facela máis
competitiva.
O
relatorio foi impartido polo experto Luis Fernández Combarro, quen
conta cunha ampla bagaxe en implantar novas técnicas de marketing
en empresas como Procter & Gamble, Telefónica ou Antena 3.
Ao
longo dunha hora e media e ante un público formado principalmente
por representantes de distintas empresas do tecido comercial e
industrial da contorna de Ribeira e a comarca do Barbanza, Fernández
Combarro explicou as claves para percibir o cambio de ciclo actual e
os novos hábitos dos consumidores á luz da consolidación da
sociedade dixital.