As consolas de Microsoft recibirán interesantes xogos para os seus subscritores de pagamento durante o mes de xuño
venres, 30 de maio do 2014
- Microsoft celebra o primeiro aniversario de Games with Gold co eloxiado xogo Dark Souls
Se ben Sony chamou bastante a atención incorporando NBA 2K14 nos seus xogos instantáneos
para os usuarios de PS Plus no mes de xuño, Microsoft tampouco quere quedar
atrás cos seus xogos para usuarios de Xbox LIVE Gold, e confirma que para o mes
que vén os seus subscritores recibirán sen cargo adicional os xogos para Xbox
One Max:
The Curse of Brotherhood e Halo:
Spartan Assault, valorados en 14,99 e 9,99 euros respectivamente; mentres
que os usuarios de Xbox 360 conseguirán os xogos Charlie
Murder e Super
Street Fighter IV: Arcade Edition, valorados en 9,49 e 29,99 euros, aos
que sumarase un terceiro xogo adicional para celebrar o primeiro aniversario de
Games with Gold, o gabado Dark
Souls (valorado en 19,99 euros).
Temos asà que durante o mes de xuño os subscritores de pagamento de Xbox LIVE
Gold non só poderán gozar dos servizos en liña para as consolas Xbox, senón que
poderán gozar de xogos por valor de 84,45 euros sen cargo adicional,
conseguindo converterse nun servizo análogo a PlayStation Plus, o que axuda ao
posicionamento da Xbox One na guerra de consolas de nova xeración.
- Games with Gold inclúe no mes de xuño o xogo Super Street Fighter IV: Arcade Edition para Xbox 360