As cabinas telefónicas deixarán de ser servizo universal
venres, 11 de setembro do 2020
A
incomprensible teima do Goberno de manter as cabinas telefónicas como servizo
universal, pese ás recomendacións da Comisión Nacional dos Mercados e da Competencia,
finalmente cederá por mor da sentenza que
considerou nula a prórroga que obrigaba a Telefónica a facerse cargo das
cabinas, como reflicte o Anteproxecto
de Lei Xeral de Telecomunicacións, que na súa disposición transitoria
novena recolle «o cesamento da prestación do elemento de servizo universal
relativo ao subministro dunha oferta suficiente de teléfonos públicos de pagamento
asignada a Telefónica de España, SAU», o que suporá a pronta desaparición das
cabinas por ser deficitarias dende hai bastantes anos pola falta de uso nun
mercado no que a cidadanÃa emprega de xeito xeral teléfonos móbiles.
O anteproxecto inclúe agora como servizo universal o acceso á Internet de banda
larga para localizacións fixas que faciliten servizos como o correo
electrónico, os motores de busca, a formación en liña, a prensa en liña, o
comercio electrónico, a busca de emprego, o establecemento de redes profesionais,
a banca electrónica, a eAdministración, as redes sociais, a mensaxerÃa
instantánea e as chamadas telefónicas ou videochamadas en calidade estándar.
Todo dentro de prezos asumibles e con medidas que non marxinen a consumidores
con rendas baixas ou con necesidades sociais especiais.