Argerey di que Galicia xa lidera en Europa a I+D en materia de UAV
martes, 29 de novembro do 2022
- Patricia Argerey, directora de GAIN, nunha imaxe de arquivo de Bioga
A
directora
da Axencia Galega de Innovación, Patricia Argerey, compareceu na
mañá deste 29 de novembro no Parlamento de Galicia a petición
propia co fin de debullar as principais liñas de acción da folla de
ruta do Polo Aeroespacial de Galicia ata 2026. Argerey destacou “que
a Comunidade xa conseguiu liderar a nivel europeo a I+D en
tecnoloxías de sistemas non tripulados, atraendo a cinco empresas de
referencia como son Airbus, Babcock, Telespazio, Boeing e Indra”.
Tamén
dixo que esta iniciativa xa concentra en Galicia a 70 empresas e
centros de coñecemento de toda a cadea de valor dos vehículos
aéreos non tripulados (UAV polas súas siglas en inglés). Agora,
dixo, o reto é “transformar este liderado en galego en pegada
industrial”.
Argerey
anunciou asemade unha nova licitación do Polo Aeroespacial de
Galicia para a contratación de sistemas e ferramentas 5G e
ciberseguridade para o Centro de Investigación Aeroportada de Rozas
(CIAR), que estará aberta á presentación de propostas ata o 13 de
decembro. Segundo dixo, estinaranse 2M€ para implantar no CIAR un
laboratorio 5G que permitirá ensaiar solucións para vehículos
aéreos non tripulados baseado na conectividade desta tecnoloxía; e
1,98M€ para o desenvolvemento de sistemas de ciberseguridade que
poidan ser empregados en futuros ensaios de aeronaves como parte do
sistema de seguridade en voos.
Sinalou
tamén que o Centro de Investigación Aeroportada de Rozas “leva
Galicia á primeira liña de vangarda en infraestruturas e indicou
que así o testemuñan proxectos europeos como AMU-LED e COMP4DRONES,
que atraeron ao centro a 66 empresas e centros tecnolóxicos de máis
de 15 países”.
Amais,
puxo o foco na recente sinatura dos contratos cos socios estratéxicos
do Polo Aeroespacial de Galicia ata o ano 2026, que “é un dos
principais fitos da nova folla de ruta” e explicou que Airbus,
Babcock e Telespazio “darán continuidade ao traballo iniciado por
outras compañías tamén referentes, como Indra e Boeing, e que a
súa presenza suporá unha oportunidade sen precedentes para todas as
empresas tecnolóxicas e industriais galegas”.
Destacou
ademais que “o Polo Aeroespacial de Galicia é unha iniciativa
cunha gran capacidade transformadora e que conta cunha estratexia de
crecemento e consolidación con compromisos certos ata 2026”; e
valorou que as consellería do Mar, Medio Ambiente, Territorio e
Vivenda e do Medio Rural xa están a utilizar sistemas non tripulados
nas súas operativas diarias e que o impacto da incorporación destas
solucións supón un antes e un despois na prestación dos servizos
públicos.