Apróbase o plan para o desenvolvemento das infraestruturas de telecomunicación de Retegal
xoves, 2 de maio do 2013
O Consello da Xunta aprobou
hoxe o Plan sectorial da empresa pública Redes de Telecomunicación Galegas
(Retegal) para a implantación e o desenvolvemento das infraestruturas de
telecomunicación que xestiona e que son propiedade da Xunta de Galicia.
Deste xeito, o plan convértese nunha estratexia autonómica que servirá de marco
para o desenvolvemento das iniciativas públicas do ámbito das telecomunicacións
seguindo uns criterios de equidade territorial.
Retegal conta na actualidade con máis de 200 centros de telecomunicacións que
están a ser clave no desenvolvemento do Plan de banda larga da Xunta para dotar
da posibilidade de acceso á internet a todos os galegos.
No marco deste plan, a compañÃa dependente da Axencia para a Modernización
Tecnolóxica de Galicia (AMTEGA ten previsto poñer en marcha este ano 57 novos
centros que permitirán dar servizo de banda larga a aquelas áreas do territorio
galego que na actualidade non dispoñen del. Dous anos despois da súa posta en
marcha, o plan posibilitoulles o acceso á Rede a preto de 660.0000 galegos dos
786.000 que non dispoñÃan deste servizo.
A ampliación de infraestruturas de Retegal permitirá acelerar a extensión da
banda larga mediante a reutilización destas localizacións polos distintos
operadores privados, aos que non lles resulta rendible realizar investimentos
en determinadas zonas da xeografÃa galega polo súa orografÃa e dispersión
poboacional.
O plan aprobado ocúpase de:
Analizar todas as infraestruturas existentes xestionadas por Retegal e a situación urbanÃstica en que se encontran cada unha delas e o papel que desempeñan tanto desde un punto de vista loxÃstico como operativo e tecnolóxico dentro da rede pública.
Establecer as medidas que se consideren necesarias para a súa posible evolución e conservación.
Cuantificar as necesidades de infraestruturas terrestres que, a curto e medio prazo, se detectan nas catro provincias que integran o territorio da Comunidade Autónoma de Galicia.
Localizar as áreas territoriais máis deficitarias destas infraestruturas.
Deseñar criterios obxectivos de localización para os distintos ámbitos de solo que deberán ser reservados para a creación destas infraestruturas.
O reforzo das infraestruturas de Retegal comezou en 2010 coa construción de
novos centros de telecomunicación e a ampliación da rede de fibra óptica
existente. Na actualidade cóntase cunha rede de 1.854 km de fibra óptica sobre
á cal se implementan tecnoloxÃas de última xeración que permiten a transmisión
de datos a unha velocidade de 10 Gbps.
Esta actuación está a dotar a Comunidade dunha potente rede de
telecomunicacións coa tecnoloxÃa máis avanzada en canto á capacidade de
crecemento, calidade, posibilidades de evolución e maior velocidade de
transporte. Deste xeito, a Xunta de Galicia, a través de Retegal xestiona unha infraestrutura
que lle permitirá unha gran capilaridade para achegar a rede ás zonas máis
illadas tecnoloxicamente que ata o de agora non podÃan acceder aos servizos
dixitais máis avanzados.