Apple responde á denuncia de Spotify ante a Comisión Europea
venres, 15 de marzo do 2019
- A intermediación de Apple nos pagamentos é un dos grandes problemas que denuncia Spotify, xa que afecta directamente aos consumidores
A
denuncia de Spotify a Apple ante os organismos de competencia da Comisión
Europea non deixou indiferente á compañÃa de Cupertino, que non tardou en realizar
un comunicado público para dar a súa versión dos feitos denunciados, asegurando
que o obxectivo de Spotify é «manter todas as vantexes do ecosistema da App
Store (..) sen facer ningunha contribución a este mercado». Sosteñen que
Spotify agocha «motivacións financeiras mediante unha retórica enganosa».
Dende Apple aseguran que colaboraron con Spotify en moitas ocasións á hora de
lanzar distintas versións das súa aplicación móbil, e incluso aseguran terse
posto en contacto con Spotify para falar da compatibilidade do servizo con Siri
e AirPlay 2. Tamén aseguran que só cobra comisións polos bens e servizos
dixitais que se adquiren dentro das apps empregando o seu sistema seguro de
compra, co que nas subscricións cobra o 30% durante o primeiro ao e o 15% en
anos posteriores (denunciando que este último detalle non o menciona Spotify). Salientan
que a meirande parte dos usuarios empregan a versión de balde con publicidade
de Spotify, que non supón ingresos para a App Store e incluso aseguran que o
volume de subscricións que se pagan a través do sistema de Apple é moi pequeno.
Critican asà que Spotify pretenda manter todas as vantaxes das ferramentas da App
Store e quedar co 100% dos ingresos, o que Apple considera inxusto.
ACTUALIZACIÓN (15-3-2019): Spotify reaccionou á resposta de Apple asegurando que «todo monopolista suxerirá que non fai nada malo e argumentará que pretende respectar os intereses de competidores e consumidores», ou sexa, que a liña de defensa da compañÃa de Cupertino non lles sorprende e incluso aseguran ter presentado a denuncia «porque as accións de Apple danan a competencia e aos consumidores e son unha clara violación da lexislación». Consideran que para Apple «os usuarios de Spotify en iOS son clientes de Apple e non clientes de Spotify» o que serÃa a cerna do problema denunciado.