Apple lanza un programa de reparacións para portátiles MacBook Pro mercados entre 2011 e 2013

Apple está a lanzar un programa de ampliación de reparacións dos MacBook Pro mercados entre febreiro de 2011 e decembro de 2013 por problemas de vídeo, de xeito que os equipos afectados por este problema poderán que provoca distorsións nas imaxes en pantalla, que non se amose ningunha imaxe no ordenador (nin en pantalla externas) ou o equipo se reinicie de xeito inesperado poderán solicitar a súa reparación de balde a partires do 27 de febreiro, aínda que a garantía oficial do equipo non estea en vigor.
Os equipos afectados por este defecto de fabricación son modelos bastante concretos e, de non terse detectado ningún dos síntomas indicados non sería preciso contactar con Apple para remitir o equipo para reparación. Os portátiles a reparar poderán entregarse a través de tendas de Apple ou provedor de servizos autorizados, reparándose sen cargo o defecto de fabricación, mentres que se houbese algunha outra avaría nos equipos que precisase da súa reparación para poder solucionar os problemas co vídeo contactarase co usuario para informar dos cargos adicionais que puidesen supor.