Apple estrea as reparacións de autoservizo en España
mércores, 7 de decembro do 2022
Hai algo máis dun ano Apple
anunciou as reparacións de autoservizo, que permitirÃa que os clientes que
se consideren capaces poidan facer as súas propias reparacións, tendo acceso a
pezas e ferramentas oficiais para poder reparar os últimos iPhone e os
ordenadores con Apple Silicon, e finalmente esta
iniciativa ábrese a Reino Unido, Suecia, Bélxica, Francia, Alemaña, Italia,
Polonia e España.
Deste xeito temos xa dispoñible a tenda para reparacións de autoservizo
de produtos de Apple en España, onde podemos adquirir pezas orixinais, alugar
ou mercar ferramentas para a reparación e incluso poder consultar os manuais de
reparacións oficiais. Os produtos para os que están dispoñibles as pezas
orixinais serÃan o iPhone SE de terceira xeración e os iPhone ordinarios a
partir da versión 12, o MacBook Air de 2020 (con procesador M1), o MacBook Pro
de 2020 con pantalla de 13 polgadas e procesador M1, e os MacBook Pro de 14 e
16 polgadas do ano 2021.
Esta iniciativa de Apple estarÃa enmarcada na liña do dereito a reparar á que a
compañÃa de Cupertino está a adherirse, de xeito que cada vez os produtos de
Apple son máis susceptibles dunha reparación doada (cando até o momento
destacaban polo contrario). Agora, un usuario calquera pode adquirir as pezas
que ten estragadas do seu dispositivo e incluso alugar un lote de ferramentas
que fan doada a substitución das pezas, aÃnda que cómpre advertir de que facer
tal é normalmente máis caro que acudir a un servizo técnico oficial, pero coa
comodidade de que o usuario poida elixir o momento de realizar a reparación e a
confianza que supón que o dispositivo non pase por mans alleas (o que en moitas
ocasións evita a molestia de ter que facer un borrado dos datos antes de mandar
os equipos ao servizo técnico).
Paralelamente ao sistema de reparacións de autoservizo Apple tamén incrementou
considerablemente o número de servizos técnicos autorizados, ou sexa,
establecementos nos que realizan as reparacións con pezas orixinais e baixo as
condicións impostas por Apple. A compañÃa asegura que actualmente 8 de cada 10
clientes de Apple en Europa teñen un servizo técnico autorizado a menos de 30
minutos.